Snapjudge

Posts Tagged ‘Son’

Sun TV Athirady Singer: Sakthi Loganathan Special

In Tamilnadu, TV on ஏப்ரல் 15, 2009 at 9:33 முப

சன் டிவி அதிரடி சிங்கரில் வெல்ல தேவையான பத்து தகுதி:

sun-tv-athirady-singer-judges-serials-programmes-contest

  1. வாரிசு: தாத்தாவின் பெயர் ‘திருச்சி லோகநாதன்‘ என்றிருக்க வேண்டும்.
  2. முயற்சி: ஏ ஆர் ரெஹ்மான் பாடல் எல்லாம் எடுத்துக் கொள்ளாமல் எழுபதுகளின் எளிமையான sakthy-loganathan-athiradi-singer-shakthi-winnersமெட்டுகளை பாடிவிட வேண்டும்.
  3. தோல்வி: விஜய் டிவி ஏர்டெல் சூப்பர் சிங்கர் போன்ற போட்டிகளில் கலந்து கொண்டு தோற்றிருக்க வேண்டும்.
  4. ஜாலி: இந்தப் போட்டி எல்லாம் சின்னத் திரை சீரியல் போல் அனுபவிக்கணும்; வீற்றிருக்கும் நடுவர் கூட ஆராய மாட்டார்.
  5. கவனிக்கவைத்தல்: கவனிக்க வேண்டிய தயாரிப்பாளர்களை கவனிக்க வேண்டிய விதத்தில் கவனித்தால், கவனம் கோருமாறு பெர்ஃபார்மனஸ் இல்லாவிட்டாலும் நடுவர்களால் கவனிக்கப்படுவார்கள்.
  6. கலவை: எத்தனை தமிழ்த் தொலைக்காட்சி வந்தாலும் அதே நடிகர்களைக் கொண்டு ஒரே மாதிரி நெடுந்தொடர் வருகிறது அல்லவா? அங்கே போய் வெரைட்டி கேளுங்க! அவர்களை நிறுத்த சொல்லுங்க!
  7. நம்பிக்கை: ஜெயிச்சுடுவோங்கிற உடல் மொழி தானா வரதில்ல… அதற்குரிய ஸ்டேட்டஸ், பலம், தராதரம் எல்லாம் இருக்கில்ல!
  8. சிபாரிசு: சிசு என்பதன் விரிவாக்கம்தான் சிபாரிசு.
  9. அதிரடியின்மை: பங்குனி உற்சவத்தில் கணபதியும் சிவனும் பார்வதியும் முருகனும் நடுநாயகமாக உலா வந்தாலும் கூடவே சண்டிகேஸ்வரர் தொற்றிக் கொள்வார். அது மாதிரிதாங்க இது.
  10. தையற்கலை: சிங்கர் தையல் மெசின் இருக்கும். அதை பெண்கள் வீட்டில் வைத்துக் கொண்டு அவ்வப்போது தைப்பதாக பாவ்லா காட்டுவார்கள். அது போல், ‘சிங்கர்’ போட்டில் பாவ்லா காட்டியதால் அதிரடி சிங்கர் – சக்தி!

தேர்தலில் நிற்க 10 இலட்சணங்கள்

In India, Lists, Politics on மார்ச் 10, 2009 at 9:09 பிப

  1. ஓய்வுபெற்ற ஐஏஎஸ் / ஐ.பி.எஸ். / ஐ.எஃஃப்.எஸ் அதிகாரி
  2. முன்னாள் (அ) இன்னாள் மந்திரியின் ஒன்றுவிட்ட சித்தப்பா மகள்
  3. நாற்பத்திரண்டு ஆண்டு, ஏழு மாதம், நான்கு நாள் முன்பு அம்மா நடிகர்/தொலைக்காட்சி அழுவாச்சி நடிகையாக பதவி உயர்வு பெற்றவர்.
  4. பதினெட்டு கொலை, 67 கால் நீக்கல், 105 கை வெட்டல் உட்பட கட்டப்பஞ்சாயத்து முதல் கற்பழிப்பு குற்றங்களுக்காக சிறை சென்ற தியாகி.
  5. ஆளும் எதிர்க்கட்சியில் இருந்து சமீபத்தில் விலகி ஜாதிக் கட்சி ஆரம்பித்திருப்பவர்.
  6. சமீபத்தில் மறைந்த எம்.எல்.ஏ/எம்.பி.யின் மனைவி
  7. மன்னரை போதும் போதும் என்னுமளவு போற்றிப் பாடியுள்ள/படமெடுத்துள்ள, டப்பு கையில் நிறைய சேர்த்துள்ள கவிஞர்/எழுத்தாளர்/இயக்குநர்.
  8. கட்சித் தலைவருக்காக இலவசமாக வழக்குகளில் ஆஜராகி முன் – ஜாமீன் ஆரம்பித்து சொத்துக்குவிப்பு வழக்கில் வாய்தா வரை வாங்கித் தரும் வக்கீல்.
  9. ஆட்சிபீடத்தின் அரியணையில் அமர்ந்திருப்பவரின் மகளோ, மகனோ மாட்டிக் கொள்ளாதிருக்க இடைத்தரகராய் லஞ்ச ஊழல் பேரம் நடத்தி, தெஹல்காவாக பூகம்பம் வெடித்தால் குற்றத்தை ஒப்புக் கொள்ளும் பலிகடா.
  10. துணைவி (கவனிக்க: மனையில் இருப்பவர் மனைவி; புது தில்லி குளிருக்கு, கதகதப்பாக, காந்தர்வ விவாகம் கூட செய்து கொள்ளாத கம்பெனி)